時間：下午四時左右
地點：屋企阿女地墊
人物：娘親 豹叔 無頸 某女演員
（從前，一個事業處冬眠期的娘親，今天一早去衝擊有機農墟，買左一個田咁多的有機蕃茄，滿足到午飯後在阿女張地墊上圓寂，絕症失智老貓豹叔在旁邊冧之之。）
（手機whatsapp係咁Bi Bi Bi，瞓到入地心果層嘅娘親終於被Bi 醒）
無頸：恭喜你呀。
娘親：多謝呀⋯⋯但係乜事喔？
（我Feel倒無頸反眼）
（無頸傳來的畫面：娘親憑【三生三世愛情餘味】提名香港舞台劇獎最佳填詞）
娘親：嘩！咁客氣呀！多謝呀！
（娘親再詳看提名名單，某女演員憑某超級難唱難演的男扮女裝Musical提名最佳女主角）
娘親：恭喜你提名最佳女主角呀（又再）
某女演員：多謝呀！都恭喜你有提名，填詞都撈埋，等睇下年提名最佳化妝呀！
娘親：真係好Friend呀多謝你呀！
（娘親再睇，某男演員真係有份提名最佳編劇）
娘親：XXX，恭喜你提名最佳編劇呀，你都有今日呀！
無頸（突然又再彈出）：喂唔好意思，你繼續瞓啦！
娘親：我嚇醒左喇，XXX提名最佳編劇呀！（其實好開心）
無頸：莊梅岩兩個提名都攞唔倒你先再去驚啦！
（就係咁，呢個午睡就被呢D開心消息嚇醒左了，整個過程豹叔一直寵辱不驚地攤在身旁冧之之）
（全劇完）
（其實娘親仲有騷擾其他被提名人士）
（真係全劇完）
Search